Diesel - dat oostfreeske Bladdje

Johann Friedrich Dirks
Ik gah as dör en Wunner

De Boom is vull van Blössems,
De Lücht is vull van Sang,
De Wereld is vull Sünnschien,
Mien Hart is vull van Klang.

Waarhen ik ok mag kieken,
Waar ik mien Kopp hen dreih,
Ut elker Blomentuuntje,
Daar lacht mi an de Mai.

Ik gah as dör en Wunner
Mit Ogen hell un blied –
Wat büst du mooi, mien Heimat,
In disse Vörjahrstied!