Benutzer-Werkzeuge

Webseiten-Werkzeuge


der_aktuelle_diesel

De aktuelle Diesel


O, dat is heelndall neet aktuell! Word verbetert!!!
De aktuelle DIESEL is de DIESEL 101. So hebben wi 25 Jahr DIESEL maakt, dat is al wat. Un stunn ok in 'n Riege Dagbladen, heel mooi in de Emder Zeitung un de Ostfriesen-Zeitung, un 'n besünner PLäseer harren wi an de grote Bericht van Werner Jürgens in 't OstfrieslandMagazin.
Fiert hebbben wi ok, an de 9. September in 't Forum van de Emder Volkshogeschool. Un nu? Wo geiht 't nu wieder? Dat weten wi neet so seker. Seker is blot: Hans-Hermann Briese un Carl-Heinz Dirks maken blot noch bit Enn van Jahr 2018 wieder mit dat Bladdje. Mit D106 is 't denn daan. Wenn d'r neet twee, dree unkloke :-) Minsken komen un dat Wark futthelpen willen. Man so sücht dat neet ut …
De Diesel 99 kwamm in 't Vörjahr '17 rut, up de Titel 'n vöölklörig Hasenbild van Biirgit Rutenberg. Unner annern mit de Freudenthal-Texten van Jutta Oltmanns un Wilko Lücht un de Borsla-Pries-Text van Bolko Bullerdiek.
D98. Mit 'm heel mooi Titelbild van Melanie Krickhuhn: „Winterschaap“. Mit Texten to de KEERLKE-Pries, Sünnerklaas, Wiehnachten, un wat d'r mehr is. Hier is noch dat Titelbild 97, mutten wi wegmaken.
De DIESEL 97 van September 2016. Hett dat Titelbild „De Waddensee bi Greet“ van Sandra Thyen (upstünns noch hier to sehn »>
Wat stunn daar in? Eenmaal to dat Thema: Keen Tied. Dat was ja ok Upgaav bi NDR-Vertell.
Un denn 'b Bült Narichten ut Oostfreesland un to de Septembermaant, de ja togliek Plattdüütsmaant is.
To kriegen is de DIESEL an besten as Abo, man ok in de Bookhannel, an de een of anner Kiosk, bi de Rutgevers Dirks un Briese un bi Andreas Gerdes, Dimmtweg 5, 26607 Auerk. Tel. 04941-71525. andreas.gerdes@diesel-online.de
Daar könen Ji ok Jo > Abo bestellen. (of ok 'n Geschenk-Abo!! För een Jahr. Word geern nomen!)
In de DIESEL 93 gung 't besünners um dat Thema „Up de Straat“, dat was Upgave vi NDR1-Vertell doch mal.
In de DIESEL 92 harren wi as Thema Fahrradvertellsels un Eilandverhalen utsöcht. Un daar stunn ok in , dat Jakobine 90 worden is. Un Baadregels up Platt.
In Diesel 91 stunn in, well de Johann-Friedrich-Dirks-Pries kregen hett: Jutta Oltmanns ut Moormerland, un de lüttje Pries gung an Jürgen Kropp ut Blickstedt. Un de Kinnerpries hett de 3a van de Constantia-School in Emden wunnen. Daarto Texten to dat Thema „Wi in de Frömde - de Frömde bi uns“. Un en neei Book van Menno Ufkes Janssen word vörstellt.
In de DIESEL 90 van Dezember worden Ji gewahr, well de KEERLKE-Pries kregen hett, un d'r stahn weer moje Gedichten un Vertellsels in, to Wiehnachten un Oorlog, un ok en Billergeschichtenbook van de Hund HUGO …, Ok in DIESEL 89 gung dat (so spietelk 't ok is) nochmaal um Krieg, man ok um SPÖLEN un um de Plattdüütskmaant, wat ja alltied de September is.
D 89 is in de eerste Septemberweek komen. Dat Hoofdthema in DIESEL 88 (Sömmer 2014) was Oorlog / Krieg (vör 100 Jahr gung de 1. WK loos). Man daar is butendeem ok genoog Pläserelks to finnen.
De DIESEL 87 kwamm in d' Februar rut, Hoofdthema was de
Franzosentied, man 't gaff ok 'n paar Winter- un Vörjahrsgedichten, un besünners gung dat ok um de Wilhelmine-Siefkes-Pries van de Stadt Leer, de Gerd Brandt („Ballou“) kregen hett. – Un dat Utschrieven van de » Johann-Friedrich-Dirks-Pries van de Stadt Emden. Un en besünner Book stellden wi vör: Sneeiwittje kwamm ut Ostfreesland!
In DIESEL 86 gung 't over Novembermaant un de Wintertied, un harr as Hoofdthema „Verbreken“. Un daar wurr 'n Rieg Boken vörstellt. De verleden Diesels

der_aktuelle_diesel.txt · Zuletzt geändert: 2017/10/08 16:38 von chdirks

Seiten-Werkzeuge