Van Iesgang freei
Sünd Eems un Sloten
De Emders fahren mit hör Booten
Na ‘t Lüttje Meer
Up ‘t Treckfahrtsdeep

Dat Vörjahr kummt
Waakt up, ji Fresen
Ji köönt dat ok in ‘t Bladdje lesen
Nu hebb’n wi weer
De Sömmertied

En söte Göör
Al haast vergeten
De blaue Hemel lett uns weten
Dat Vörjahr wappert
Over ‘t Land

In d‘ Märtmaant steiht
De Buur up d‘ Diek
In d‘ Polder geiht de Ploog so liek
De Lammke-Braa
Noch springt he rund

Ik much wall as
In Kinnertieden
Weer Eier söken,
Eier smieten
Un sitten weer \ Bi ‘t Paaskefüür
Un sitten weer
Bi ‘t Paaskefüür

(In elke Strohe is ‘n Lied of ‘n Gedicht verstoppt. WELL WEET WAT?)