Söven Dwargen un een Fraag \\
Wo worden se – se weten 't neet \\
de Hex blot quiet, dat Wievstück, dat \\ 
      Sneeiwittje heet\\
      		
Oh wat weren se verknallt \\
Sneeiwittje weer ja ok so sööt \\
Hör Dwargenlevend trilld' as mall \\
van kold bit heet \\

Enerdaags is 't denn geböhrt \\
Se leet tomaal as Düvels Bruud \\
mit Stocken sloog se elk un een \\
schull böös hör ut \\
	
Angst un Nood mook sük nu breed \\
De Dwargen klauterden in d' Schapp \\
in d' enge Kast van d' stahnde Klock \\
un unner d' Trapp \\
	
Deep in d' Barg beraadslaan se \\
sünd sük bold enig – dat bedüdd \\
se willen 't as de Zickjes doon \\
Se sall in d' Pütt \\
	
Man dat Wiev is vööls to dick \\
Elkeen helpt mit un tillt mit up \\
Un schafft! – se suust de Pütt andaal \\
„Un nu versuup“ \\
	
Se danzen, faten sük bi d' Hand \\
un lopen na Venezia \\
Elkeen en Ies – well sitt daar al \\ 
dat Düvelswiev \\

Ut sien neei Book: Kattschiet in Düüstern,
Diesel Verlag Emden, 16,80