de Wind
strööpt Bladen 2
van de Bomen,
blank liggt
dat Meer aamt
sacht un swiggt

ik weet
dat bold de
wille Gosen komen,
de Wind
strööpt Bladen
van de Bomen,
un Regen
drüppt in
mien Gesicht

un Kraihen swarven 1
glieden in 't
leste Avendlücht
de Swaalvkes
langst van wieden
na neje Warmt'
up Flüggt,
dat Reit steiht

duff un düüster
röögt haast sük
neet van d' Stee
mi dücht as wenn
van 'n Katt-Uul
de Scharr
daar over glee

un nix mehr fragen,
ok neet woso
blot Stillte nu
ganz sacht
ganz licht
spöör 'k dat de
wille Gosen komen,
de Wind
strööpt Bladen
van de Bomen
un Regen
drüppt in
mien Gesicht

2) ströpen = (ab-)streifen 1) swarven = schwärmen