utschrieven_joh_fr_dirks_pries

Dies ist eine alte Version des Dokuments!


Johann-Friedrich-Dirks-Pries 2015


De Pries betreckt sük up de bekennde Emder Dichter Johann-Friedrich-Dirks, geboren an 9. Februar 1874 in Emden, overleden an 31.3.1949 in sien Vaderstadt. Dat Priesgeld van 2500 €, en Sonderpries van 500 € un en Skulptur hett de Familie Dirks utsett, un 1000 € hett de Spaarkasse Emden för de Jöögdepries d’r togeven. De Stadt Emden organiseert dat hele Spillwark un sörgt ok för ’n moje Priesfier an ’n behöörlik Stee ut, 2015 is dat de Neje Kark in Emden.

Bit hento 31. Oktober mussen de Texten daar wesen. 40 SChrieverskes un Schrievers hebben Texten stüürt, nu sitt de Jury daar an un mutt rutfinnen, well denn wall de „Beste“ is …
An 9. Februar 2015, JFD sien Gebuursdag) worden de Priesdragers bekennt geven. Un bold daarna - an 13. Februar - gifft 't 'n Fier in de Neje Kark in Emden.
Dat Thema 2014 was: „Wo is dat blot komen?“, weer en Zitaat ut Johann Friedrich Dirks sien Wark. De Satz stammt ut de Vertellsel „Senator Klockengeter“, natolesen in dat moje Book „Well weet, waar ’t gaud för is“ (spietelk, dat dat neet mehr in de Bookhannel to kriegen is).

De Kinner un junge Lüü bit 20 kregen de sülve Upgave, man in en egen Weddstried.. De junge Minsken kunnen sük geern helpen laten van Ollen, Grootollen, Nahbers un School. De Scholen wurren ok noch extra anproot.

Rico Mecklenburg, Vörsitter van de Biraad
Carl-Heinz Dirks, Spreker van de Jury

utschrieven_joh_fr_dirks_pries.1415377780.txt.gz · Zuletzt geändert: 2014/11/07 17:29 von chdirks

Seiten-Werkzeuge