utschrieven_joh_fr_dirks_pries

Dies ist eine alte Version des Dokuments!


Utschrieven Johann-Friedrich-Dirks-Pries 2015


De Pries betreckt sük up de bekennde Emder Dichter Johann-Friedrich-Dirks, geboren an 9. Februar 1874 in Emden, overleden an 31.3.1949 in sien Vaderstadt. Dat Priesgeld van 2500 €, en Anerkennenspries van 500 € un en Skulptur hett de Familie Dirks utsett, un 1000 € hett de Spaarkasse Emden för de Jöögdepries d’r togeven. De Stadt Emden organiseert dat hele Spillwark un sörgt ok för ’n moje Priesfier an ’n behöörlik Stee ut. Deelnehmen düren plattdüütse Schrieverlüü – Lyrik un Prosatexten nett so as Höörspölen of Theaterszenen sünd tolaten. Bi körte Texten as Gedichten worden ruugweg fiev verwacht, bi Prosatexten un bi Höörspölen un Romaan-Utsneden fiev bit sowat teihn Sieden. De Autoren könen ok Videos, Spegelplaten un anner moderne Medien instüren.

De Texten könen mit de Post of as Mailanhang instüürt worden. - As Breev anonym mit ’n Kennwoord d’r buten up, un in en versloten Kumvert de Naam un de Adress, Telefoonnummer un amenne ok de Emailadresse. - De Email an dat Kulturbüro, daar word de Text anonymiseert.

An disse Adresse gahn de Bidragen van de Weddstried: Stadt Emden, Kulturbüro, z. Hd. Frau Doden, Große Straße 13, 26721 Emden. Un de Mails geern an doden@emden.de stüren, de Texten as AnhangFetter Text. Nafragen ok daar unner 04921-87-1266 – of dör email an kulturbuero@emden.de

Bit hento 31. Oktober mutten de Texten daar wesen. Anner Jahr, an 9. Februar 2015, JFD sien Gebuursdag) worden de Priesdragers bekennt geven. Un bold daarna gifft 't 'n Fier. Dat Thema 2014 luudt: „Wo is dat blot komen?“, weer en Zitaat ut Johann Friedrich Dirks sien Wark. De Satz stammt ut de Vertellsel „Senator Klockengeter“, natolesen in dat moje Book „Well weet, waar ’t gaud för is“ (spietelk, dat dat neet mehr in de Bookhannel to kriegen is).

De Kinner un junge Lüü bit 20 kriegen de sülve Upgave, man starten in en egen Weddstried.. De junge Minsken düren und sölen sük helpen laten, van Ollen, Grootollen, Nahbers un School. De Scholen worden ok noch extra anproot. Rico Mecklenburg, Vörsitter van de Biraad
Carl-Heinz Dirks, Spreker van de Jury

utschrieven_joh_fr_dirks_pries.1392733042.txt.gz · Zuletzt geändert: 2014/02/18 15:17 von chdirks

Seiten-Werkzeuge