In Oostfreesland hebben wi dat egenlik good! Neet blot, dat wi wunnerbaar Woordenboken hebben (Stürenburg, Doornkaat-Koolman,Buurman, Byl/Brückmann, de Vries + dat Online-Woordenbook www.platt.de - wi hebben ok 'n moderne oostfreeske Grammatik!
Wilko Lücht hett disse „Ostfriesische Grammatik“ (up Düüts!) schreven, un de Oostfreeske Landskupp hett dat Book (al 2016) rutbrocht. Heel klook dat Book, daar kannst mennig Avend an lesen. Man würkelk good schreven, un nödig was 't ok al lang.

Nu, in de verleden Maanten, sünd twee dicke un moje Boken bi DIESEL rutkomen. Bruno Loets: Tsüh, Consul. En wunnerbaar Book vertellt man 'n Koopmann in Leer, de sük 'n bietje wat Beters dünkt, man egenlik 'n heel leve Keerl is. 'n Bild van dat olle Leer, mit 'n Knippoog vertellt van Bruno Loets. »> Kiek ok unner Plattdüütse Boken.
Un Carl-Heinz Dirks hett för de Schrieverkring WEser-Eems en Anthologie rutbrocht: Waar Woorden wahr worden. Märken, Fabeln, Sagen, Lögenvertellsels un Science Fiction. Ok hier mehr »> Plattdüütse Boken.