Benutzer-Werkzeuge

Webseiten-Werkzeuge


gedicht_hans-hermann-briese

Karin-Angela Peters overleden

1.10.1940 in Dresden – 5.12.2013 in Pewsum

De Krieg hett hör na Oostfreesland verslaan
In de Krummhöörn kreeg se d’ Foten an d’ Grund
In Pewsum hett se hör Unnerdack funnen

Dat Land achter d’ Diek
De Straten mit de Windflüchters
De Lohntjes in de Logen
De dicke Plaatsen un
De lüttje Bummerts
De Karken up de Warfen

En Spraak van egen Aard hören
De Lüü up ’t Mundwark kieken
Krummhöörner Mundaard proten

Geschichten over Minsken
„Sess Breven an de Moder“ 1)
Gedichten over ’t Land
„Un alltied is de Eer
hier nahder bi de Hemel“ 2)
Gedichten för de Kinner
„Süchst du mien Lateerntje“ 3)

Heel ’n dall eens worden
Mit Land un Lüü
Oostfreesland as Heimaad
Krummhöörn as Tohuus

Eens wesen
Un doch Distanz wahren
In Leevde verbunnen
Un doch Kritik tolaten
Geföhl wiesen
Un doch Verstand setten
Deel worden
Un doch sük sülvst blieven

Hans-Hermann Briese 18.12.2013

1. Freudenthal-Pries 1989
2. Ostfreesland Kalender 1997, Maantspröök Feberwaar, SKN
3. „Gezeitenwende“, AK ostfr. AutorInnen 1998

gedicht_hans-hermann-briese.txt · Zuletzt geändert: 2014/01/15 11:42 von chdirks

Seiten-Werkzeuge