g_un_u_franken

Gitta un Udo Franken: Wi sünd anners

Kehrsang:
Wi sünd anners un
ji sünd anners un
ik bün anners as du!
Du büst anners un
ik bün anners un
ji sünd anners as wi!

Weer uns Eer neet so bunt,
trist un trürig weer ’t all.
Stell di dat doch maal vör,
geev ’t up d’ Welt blot een Klöör!
Stell di dat doch maal vör,
geev ’t up d’ Welt blot een Klöör!

Kehrsang

Geev ’t up Welt blot een Toon,
geev’t up d’ Welt blot een Klang,
wat weer dat för Musik?
Elke Leed klung denn gliek!
Wat weer dat för Musik?
Elke Leed klung denn gliek!

Kehrsang

Un wo arig klung dat,
geev’t up d’ Welt blot een Woord?
Denn geev dat keen Gedicht,
dumm klung elke Geschicht!
Denn geev dat keen Gedicht,
dumm klung elke Geschicht!

Kehrsang

Sünn schient anners as Maan,
un se wesseln sük of,
breng’n hör Lücht in uns Welt,
un dat is dat, wat tellt!
Breng’n hör Lücht in uns Welt,
un dat is dat, wat tellt!

Kehrsang

Text: Udo & Gitta Franken, Musik: Gitta Franken

Dat is en Leedtext van de Kinnerleder-Spegelplaat
„Plattdüütsk is cool“. Dreebladd fiert 2017 sien
10jahrig Bestahn.
kontakt@dreebladd.de 

g_un_u_franken.txt · Zuletzt geändert: 2017/01/31 17:26 von chdirks

Seiten-Werkzeuge