Diesel - dat oostfreeske Bladdje

Dies ist eine alte Version des Dokuments!

---

Erna Taege-Röhnisch

Iesjökels

Iesjökels hangen vör ’t Fenster dat Dack lang, Körte un lange, Örgelpiepen ut schiere Kristall.

Wenn de Sünn schient un over Middag al weer so nau over d’ Busk grient, spöölt se daar en Lied up, dat kenn ik doch al?

Kling klong pling plong Lied ut de Kinnertied un alltied so mooi.

Much mi so en dicke Jökel ofbreken un weer maal mit de Tung an lecken, dürt blot nüms sehn!

Kling klong pling plong Lied ut de Kinnertied Iesjökels an ’t Dack

Erna Taege-Röhnisch: Geb. 12. Januar 1909 Gestorben 4. Mai 1998 in Mecklenburg