O, dat is heelundall neet aktuell!
na De DIESEL hier up 't Bild is de DIESEL 101. Un nu? Wo geiht 't nu wieder? Dat weten wi neet so seker. Seker is dit: Hans-Hermann Briese un Carl-Heinz Dirks maken blot noch bit Enn van Jahr 2018 wieder.. Mit D106 is 't denn daan. Wenn d'r neet twee, dree unkloke Minsken komen un dat Wark futthelpen willen. Man daar sücht dat neet ut …
To kriegen is de DIESEL (olle Heften) noch alltied bi de Rutgevers Dirks un Briese
Daar könen Ji ok Jo > Abo bestellen. In Diesel 91 stunn in, well de Johann-Friedrich-Dirks-Pries kregen hett: Jutta Oltmanns ut Moormerland, un de lüttje Pries gung an Jürgen Kropp ut Blickstedt. Un de Kinnerpries hett de 3a van de Constantia-School in Emden wunnen. Daarto Texten to dat Thema „Wi in de Frömde - de Frömde bi uns“. Un en neei Book van Menno Ufkes Janssen word vörstellt.
In de DIESEL 90 van Dezember worden Ji gewahr, well de KEERLKE-Pries kregen hett, un d'r stahn weer moje Gedichten un Vertellsels in, to Wiehnachten un Oorlog, un ok en Billergeschichtenbook van de Hund HUGO …, Ok in DIESEL 89 gung dat (so spietelk 't ok is) nochmaal um Krieg, man ok um SPÖLEN un um de Plattdüütskmaant, wat ja alltied de September is.
D 89 is in de eerste Septemberweek komen. Dat Hoofdthema in DIESEL 88 (Sömmer 2014) was Oorlog / Krieg (vör 100 Jahr gung de 1. WK loos). Man daar is butendeem ok genoog Pläserelks to finnen.
De DIESEL 87 kwamm in d' Februar rut, Hoofdthema was de Franzosentied, man 't gaff ok 'n paar Winter- un Vörjahrsgedichten, un besünners gung dat ok um de Wilhelmine-Siefkes-Pries van de Stadt Leer, de Gerd Brandt („Ballou“) kregen hett. – Un dat Utschrieven van de » Johann-Friedrich-Dirks-Pries van de Stadt Emden. Un en besünner Book stellden wi vör: Sneeiwittje kwamm ut Ostfreesland!
In DIESEL 86 gung 't over Novembermaant un de Wintertied, un harr as Hoofdthema „Verbreken“. Un daar wurr 'n Rieg Boken vörstellt. De verleden Diesels