Benutzer-Werkzeuge

Webseiten-Werkzeuge


suennerklaas

Heel verkehrt

Sünner Klaas up witte Schimmel -
een as du kummt nich van d’ Himmel!
Dat is seker, dat du lüggst
un uns mit dien Naam bedrüggst!
Sünner Klaas up witte Schimmel,
een as du kummt nich van d’ Himmel!

Sünner Klaas up witte Peerd,
wat du deist, is heel verkehrt!
Brengst de vööl, de al vööl hett,
sittst woll sülvst mit d’ Mors in ’t Fett!
Sünner Klaas up witte Peerd,
wat du deist, is heel verkehrt!

Sünner Klaas up witte Mähr,
dien Gedoo, dat deit mi sehr!
Fraggst, of all ok leev west sünd!
Fraag, of all ok satt worr'n bünd!
Sünner Klaas up witte Mähr,
dien Gedoo, dat deit mi sehr!

Johannes Diekhoff in DIESEL 74

suennerklaas.txt · Zuletzt geändert: 2014/12/10 21:38 von chdirks

Seiten-Werkzeuge