Vör ’t darde Maal geböhrde dat nu: Dat „Konzert zwischen den Jahren“ – organiseert un dragen van Otto Groote un de Vereen Gulfhof Ihnen, mit de Vörsitterske Margritt Kubik-Harms vörweg.
As de Titel van dat Programm dat al seggt: Is keen plattdüüts Festival, man wall för Plattdüütsen.
DIESEL stöönt dat Wark ok ’n bietje – Kultur in Oostfreesland is ok uns Anliggen.
Un dat löppt! Twee Dagen wassen plaant, de 28. un 29. Dezember, un nu sünd daar dree Daag van worden! Wi, de Tohörers, hebben vööl Glück hatt: Si Kahn, de grote Si KAhn, hett d’r sövööl PLäseer hatt in Engerhaaf, dat he geern bietje langer daar bleev — un ok weerkummt!. Si Kahn is een van de heel groten Folksinger.songwriters. He is nett so benöömt as Bob Dylan, Pete Seeger of Woody Goothrie. Alleen hum singen un spölen to hören lohnt de wiedste Weg. He kwamm up sien Weg van Amerika over Paris na China even in Engerhaaf vörbi, um dat Otto Groote un besünners Matthias Melcher mit hum befrünnd sünd.

Man dat hele Programm van de dree Dagen kunn sük sehn laten:
Si Kahn (USA) mit sien Folkmusik, Kirsty McGee & Mat Martin (England) brengen Folk, Jazz un Chanson, The Looping Brothers ut Düütsland spölen Bluegrassmusic, se worden sogaar na USA inladen, so good.
Martin Czech präsenteert en Soloprogramm van irisk, engelsk un schottisk Folk.
Olle Bekennde sünd Linde Nijland un Bert Ridderbos ut Groningen, se wassen al faker in Engerhaaf, nett so as dat Otto Groote Ensemble.
Wat de Muuskanten angeiht – beter kunn ’t neet, un daar um to denn de Atmosphär van de Gulfhoff – dat was weer ’n wunnerbaar Festival. Lecker ok dart Eten van de Afrikaners!