Johannes Diekhoff *1919 in Boekzetelerfehn, is Lidd van de Schrieverkring Weser-Ems, Lidd van de Warkkoppel oostfreeske Schrieverslü (=Arbeitskreis…), de he gründt hett, Ehrenbaas van de Vereen Oostfreeske Taal, de he gründt hett.
He is een van de Rutgevers van DIESEL, dat oostfreeske Bladdje. Daar hett de 2004 de Keerlke-Pries för kregen un dat Totius-Frisiae-Segel van de Oostfreeske Landskupp. Uttekent worden is he ok för sien Wark “over de Grüpp” — sien Tosamenarbeid mit de Nederlanders na de Tweede Wereldoolog.
He hett ‘n heel Rieg Prosatexten un Gedichten schreven, he försket over de Dichter Enno Hektor, un over ‘n RIege anner oostfreeske Schrieverslüü, over oostfreeske Histoorje, over de Jöden in Auerk. Texten van hum stahn in ‘n heel Bült Bladen un Boken un Kalenners, un ok hier bi diesel-online.de
He hett de Anstööt geven, dat an dat Huus in Emden, waar Fritz Lottmann geboren is, en Gedenkplaat anbrocht wurr, un sowat sall ok för Hermann Boerma geböhren.
Van besünner Belang is ok, dat Diekhoff dat klaarbrocht hett, dat dat grote BUURMAN-WOORDENBOOK in 12 Parten nochmaal rutkomen is (man is uüstünns ok al weer neet to kriegen).