Carl-Heinz Dirks *1948 in Emden
Baas van de Schrieverkring Weser-Ems, Lidd van de Warkkoppel oostfreeske Schrieverslüü, ok Baas van de Vereen Bevensen-Dagfahrt, een van de dree Rutgevers van DIESEL, dat oostfreeske Bladd up Platt. Daarför hett he de KEERLKE-Pries kregen van de Vereen Oostfreeske Taal, un dat Totius-Frisiae-Segel van de Oostfreeske Landskupp.
2008 hett he dat Book “De 100 moiste oostfreeske plattdüütse Gedichten” rutbrocht. In d’ Loop van de Tied stellt he de mit ‘n Kommentar vör in dat “Ostfriesland-Magazin”, all twee Maant een. Up Düüts.
Siet ‘n heel Sett is he besig mit de Problemen van de Schrievwies van Platt, ‘n priekel Thema. Daarto steiht en Text steiht achtern in >> Birgit Lemmermann hör Book “Ebbe un Hehn”, 2007, sien Vördrag in Mölln 2010 is natolesen in dat Berichtsheft van dat 5. Autorentreffen in Mölln. He höörde ok to dat Klottje, dat de oostfreeske Schrievwies neei bearbeidt – un, so hopen wi – verbetert hett.
Mehr over CHD unner www.ce-ha.de, bi www.diesel-online.de un up in de Oversicht over plattdüütse Schrieverslüü bi de Uni Ollenbörg www.lb-oldenburg.de/nordwest/ndtautor/ndtverza.htm