De Wilhelmine-Siefkes-Pries 2010 geiht an Theo Schuster ut Leer.
Theo Schuster hett sien Bookhannel in de Möhlenstraat in Leer, man dat is blot één Kant van hum. In sien Verlag hett he völe Boken rutgeven, de van groot Belang sünd för uns plattdüütse Spraak un Literatur.
He hett Boken weer upleggt, de al lang neet mehr to kriegen wassen.
He hett junge Dichters un Schrievers entdeckt: Greta Schoon, Wilhelmine Siefkes, Siegfried Kessemeier sünd bi hum rutkomen.
He hett Schallplaten maakt mit plattdüütse Texten.
He hett Märchen, Dööntjes, agen sammelt un daar (meesttieds tosamen mit en anner Autor) Boken van maakt.
Un he is noch alltied besig….
Wi graleren!!!
Fiert word an Freedag, de 22. Januar in ‘t olle Raadhhus van Leer.
Vör 20 Jahr is de Wilhelmine-Siefkes-Pries van de Stadt Leer fö ‘t eerste Maal utgeven worden – kregen hett hum do, 1990, de Groninger Dichter HENRY HES för sien 30 Gedichten unner de Titel “NADÖRST”. Daar willen wi an erinnern mit een van sien Texten:
Gedanken in witt
Gedanken sünd sluuksk
nett as Kobben
Du smittst noit genoog
tüsken disse witte Pleckjes
Un wenn du nix mehr
in dien Hand hollst
Flegen se weg
in hör egen ewige Dagen
As de natte Sneei
van güstern
Komen weer neje Gedanken
in dien Baadstuuv
(Henry Hes, Nadörst, (1989); ok in DIESEL 4 (1993)