(No Title)

De neje DIESEL (68) is d’r!
Nu al ‘n hele Week. Dat Thema in ‘t Heft 68 heet: “Deren”. Van all Kanten word dat bekeken, mit Kinnerogen, in de wiede Welt, vull Pläseer, man ok van gräsige Sieden. ‘n heel Riege Geschichten un Gedichten, van ‘n heel Riege Schrievers, ok weer ‘n Antahl nejen.
Dat Heft is to kriegen bi andreas.gerdes@diesel-online.de

(Vörn up is ‘n moi Bild, waar ‘n Iesvögel ‘n Fisk frett, un de weer ‘n Herenpeerdje,m un de ‘n Bladd… – Wi setten dat so gau as mögelk ok hier up de Websied up, versproken!)

Written on Juni 11th, 2009 , Diesel Info
(No Title)

Gedicht van de Maant: Juni
Elke Maant brengen wi hier een van de 100 moiste oostfreeske
plattdüütse Gedichten (ut dat Book mit de sülvige Titel, rutgeven van DIESEL, to bestellen bi hans-hermann.briese@diesel-online.de).
För de Maimaant hebben wi utsöcht:

Greta Schoon

Dat wi överleven

Laat uns
De Duvenspraak
Weer leren,
Dat Du,
Dat Wi.

Laat uns
Weer leren,
De Regenschrift
To lesen,
Böskupp
Up blinne Fensterruten,
Un dat Windteken
An Sandbülten.

Laat uns
De gröne Bladen
Tellen
An de Kröpelbusk
Tüsken Betonmüren.

Dat wi
Överleven.

Dit Gedicht is besproken in dat neje Oostfreeslandmagazin (OMa).
Greta Schoon is geboren an de 11. Juli 1907, se was nu 100 worden.

Written on Juni 11th, 2009 , Diesel Texten

Diesel – dat oostfreeske Bladdje is proudly powered by WordPress and the Theme Adventure by Eric Schwarz
Entries (RSS) and Comments (RSS).

Diesel – dat oostfreeske Bladdje

Plattdeutsch im Netz