De KEERLKE-Pries van de Vereen Oostfreeske Taal, de Vereen för plattdüütse Spraak un Kultur gung van ‘t Jahr na Wittmund. Helmut Hinrichs hett hum kregen, en Mann, de sien Leven lang up ‘t Rebett van Plattdüüts besig west hett. As junge Mester al hett hett an de “Leuchtboje”-Rieg mitarbeidt, later harr he Bahntjes bi de Oostfreeske Landskupp, un lange Jahren was he de Mann för de Kontakten van de Butenoostfresen mit hör Heimat.
De KEELRKE gifft dat för de, de verleden Jahr (of sien Leven lang) besünners vööl daan hett up ‘t Rebett van Plattdüüts futthelpen. De Idee daar för hett Johannes Diekhoff hatt, dat Vörbild för de KEERLKE is de Hoofdfigur ut Wilhelmine Siefkes hör Roman “Keerlke”, un de Jung en Förm geven hett Christian Eisbein.
