EMIL is noch alltied heel vörn! Un neet blot up de Titel van de lesde DIESEL (Nr. 58) Dree Boken gifft dat van de lüttje Baar EMIL, nich to vööl Text – up Platt, un heel moi in Aquarell maalt. Antokieken unner www.emil-online.de Daar ok to bestellen, un to bestellen ok bi www.plattschapp.de Un bi Jo Bookhannel, de is blied, wenn Ji ok NA Wiehnachten maal ‘n Book kopen….
Gertrud Cramer
Daganbreken
Ruugfröst
gniest
bi elker Tree
swaar dalen
de Tacken
van Ieslast un Sneei
upsmeten Mullsbülten
hard as en Flint un
Fingers verklömen
in noordoosten
Wind
Bleek kummt
de Hemel
bilüttjen in Sicht
daar günt
de Stadt en Meer van Lücht
dör Mörgendunst
pliert en
glasige Sünn
denn klievert de Dag
noch en knappe
Stünn
Mehr van Gertrud Cramer
hör moje Gedichten stahn
in anner DIESELS un in
hör Book “In disse Dagen”,
to bestellen in elke
Bookhannel, un ok bi uns.